Aadhyaatmik aur bhautik divya naari tatva aur lagabhag bees prakaṭ naari guṇaon ki vyaakhyaa.
Doosari kitaabon ke vipareet, yah kitaab mastishk ko bharapoor jaanakaari pradaan karane ke saath-saath hriday ko bhi bhaavanaaon se ot-prot kar degi.
Hindi bhaashaa men anudit is sanskaraṇa men, divya naari tatv ki —bhautik aur adhyaatmik donon roopon men— srishti ke srot ke taur par vyaakhyaa; naari tatv aur purush ke tatv ke beech (ekaatmak) sambandh; naari guṇaon ki abhivyakti ke roop men bees deviyon ki vyaakhyaa; samast jagat men Isis tatv ki bhoomikaa; tathaa aur bhi bahut saari baaten bataayi gayin hain. Pustak ke is vistaarit sanskaraṇa men kul aath adhyaay aur teen parishisht hain.
Adhyaay 1: Jagat Janani men Isis ki srishti kram men bhoomikaa, sampoorṇa srishti svaroopaa, Re aur Osiris ke saath usake sambadhon ko sametaa gayaa hai.
Adhyaay 2: Isis Ka Dvait men daiveey pragyaa ke saath-saath srishti chakra evam vishvagarbhaa ke roop men Isis ki mool dohari prakriti par prakaash daalaa gayaa hai.
Adhyaay 3: Isis aur Osiris—Ek Sfoort Yugal men jagat ki samast rachanaaon ke unnati aur utpatti men Isis aur Osiris ki sanyukt bhoomikaaon ko shaamil kiyaa gayaa hai.
Adhyaay 4: Isis: 'Eishvar' ki kuwaari maan adhyaay Isis ke putra Horus ke daiveey amalodbhava, kaumaarya ki avadhaaraṇaa, dusht shaktiyon ke khataron ke kaaraṇa —nanhen santaan ke saath— palaayan aur sharaṇ, tathaa us bete ke jeevan ke balidaan par prakaash daalataa hai.
Adhyaay 5: Isis aur Osiris Ki Ankavidyaa men Isis aur Osiris ki sankhyaaon 2 aur 3 jo srijan aur vikaas ki praathamik sankhyaaen hain, ke baare men charchaa ki gayi hai ki kis prakaar ye do sankhyaaen sabhi roopon aur aakaaron, sangeet ki lay tathaa brahmaanda ki taal ko utpann karati hain.
Adhyaay 6: Isis, Guṇaon ki Khaan men solah deviyon ke baare men bataayaa gayaa hai—jo srijit jagat men Isis ke naari tatv ki abhivyakti hain.
Adhyaay 7: Har Dil Azeez Misri dharm ke vishvavyaapi prasaar par prakaash daalataa hai, ki kis prakaar ye vishvaas Eisaayi dharm men zindaa rahe, aur kis prakaar Isis sambandhi praacheen Misri parvon ko Eisaayi dharm men Misri Calendar ke theek unheen taareekhon par Marry ke naam se apanaayaa gayaa.
Adhyaay 8: Mazaboot Man men Isis ke maanav jaati par anant sashakt prabhaav ko aanand dhoondhane vaalon aur har marz ki davaa ke nazariye se dekhaa gayaa hai.
Parishisht 1: Roopak aur Misri Brahmaanda Vigyaan men charchaa ki gayi hai ki kis prakaar behatareen tareeke se gadhaa gayaa roopak jatil gyaan ko sabake samajhane laayak banaane Ka sabase achchhaa —yadi eiklautaa na maanen— tareekaa hai.
Parishisht 2: Misr ke Brahmaandaeeya Roopak—Isis aur Osiris men Isis aur Osiris ki Misri roopak kahaani ko sankshipt roop men bataayaa gayaa hai, jisamen alaukik naari tatva, abhivyaktiyon aur anuprayogon ke roop men Isis ki bhoomikaa par prakaash daalaa gayaa hai. Kahaani tukado men bataayi gayi hai, jisamen pratyek khanda ke baad usakaa sankshipt aadhyaatmik moolyaankan diyaa gayaa hai.
Parishisht 3: Man aur Aatmaa—Aadhyaatmik Pratibimb men man (Isis) aur aatmaa (Osiris) ke aadhyaatmik pahaluon ki charchaa ki gayi hai aur bataayaa gayaa hai ki manushya apane andar man aur aatmaa ke ekeekaraṇa ko kaise haasil kar sakataa hai.
Título : ISIS Ek Alaukik Naari
EAN : 9780463189146
Editorial : Moustafa Gadalla
El libro electrónico ISIS Ek Alaukik Naari está en formato ePub
¿Quieres leer en un eReader de otra marca? Sigue nuestra guía.
Conectarme
Mi cuenta