Eisaayi dharm ki Misri jaden, aitihaasik aur aadhyaatmik donon roopon men.
Yah pustak Eisaayiyat ki praacheen Misr se judi aitihaasik aur aadhyaatmik, donon prakaar ki jadon ko ujaagar karati hai. Is kitaab ke do bhaag hain. Pahalaa bhaag darshaataa hai ki "Itihaas ke Yeeshu" ke vivaraṇa poori tarah se Misr ke Firaoun, Tvat/Tut-Ankh-Amen ke jeevan aur mrityu par aadhaarit hain. Doosaraa bhaag darshaataa hai ki "Aasthaa ke Yeeshu" aur Eisaayi siddhaant sabhi Misri mool ke hain-jaise shikshaayen /sandesh, brahmaanḍa aur maanav ki srishṭi (utpatti ki pustak ke mutaabik) ke moolatatva ke saath-saath dhaarmik chhuṭṭiyaan bhi Misri mool ki hi hain.
Jis cheez ko ab Eisaayi dharm ke naam se bataayaa jaataa hai, vah New Testament ke kaafi pahale se hi praacheen Misr men maujood thaa. British Misri puraatatvashaastri, Sir E. A. Wallis Budge, ne apani pustak, The Gods of the Egyptians (1969) men likhaa hai:
Jis naye dharm (Eisaayiyat) kaa St. Mark aur usake nikat anuyaayiyon dvaaraa vahaan prachaar-prasaar kiyaa gayaa, vah mool roop se Osiris, Isis aur Horus ki poojaa se kaafi had tak milataa-julataa thaa.
Jin logon ne Misr ki Osiris/Isis/Horus ki kahaani ki Bible ki kahaani se tulanaa ki hai tathaa Budge ne jin samaantaaon ko ullikhit kiyaa hai, ve dang karane vaali hain. Donon men vyaavahaarik roop se ek samaan cheezen hain, jaise alaukik garbhadhaaraṇa, divya janm, jangal men dushman ke khilaaf sangharsh, tathaa marane ke baad annt jeevan ke liye ji uthanaa. In ''donon sanskaraṇaon'' ke beech mukhya antar yah hai ki Bible ki kahaaniyon ko aitihaasik maanaa jaataa hai, jabaki Osiris/Isis/Horus ke chakra ko roopak kathaa. Praacheen Misr ke Osiris/Isis/Horus ke aadhyaatmik sandesh aur Eisaayi shruti kaa aadhyaatmik sandesh bilkul ek samaan hai. British vidvaan A.N. Wilson ne apani pustak, Jesus men is baat ko rekhaankit karate hue kahaa hai:
Itihaas ke Eisaa aur aasthaa ke Maseeh do alag-alag praaṇai hain, jinaki kahaaniyaan behad alag-alag hain. Kaun pahalaa hai yah nirdhaarit karanaa kaafi mushkil hai, aur is prayaas men doosare ko apooraṇaeeya kshati pahunchane ki sambhaavanaa hai.
Yah pustak darshaati hai ki ''Itihaas ke Yeeshu'', ''Aasthaa ke Yeeshu'', aur Eisaayi dharm ke jadasootra sabhi praacheen Misri hain. Yahaan yah kaam bagair kisi ''apooraṇaeey kshati'' ke kiyaa jaayegaa jaisaa ki A.N. Wilson ki chintaa karate hain, isake do mukhy kaaraṇa hain, pahalaa yah ki sachchaayi avashya bataayi jaani chaahiye. Doosaraa, Eisaayi siddhaanton ko usake mool praacheen Misri sndarbhon ke maadhyam se samajhanaa Eisaayi dharm ke aadarshavaad ko baḍhaayegaa. Is kitaab ke do bhaag hain.
Pahalaa bhaag darshaataa hai ki ''Itihaas ke Yeeshu'' ke vivaraṇa poori tarah se Misr ke Firaun, Twt/Tut-Ankh-Aamen ke jeevan aur mrityu par aadhaarit hain.
Doosaraa bhaag darshaataa hai ki ''Aasthaa ke Yeeshu'' aur Eisaayi siddhaant sabhi Misri mool ke hain-jaise shikshaayon/sandesh ke moolatatv ke saath-saath dhaarmik chhuttiyaan bhi.
Misr se mainne apane bete ko bulaayaa hai, Hosea ke bhavishyavaaṇaiyon men se is ek kathan men nirvivaad viḍanbanaa tathaa gambheer, gaharaa aur nirvivaad satya chhupaa hai. Vaakayi yah ek gahari viḍanbanaa hai. Aaiye ham apane dil aur dimaagh ko kholate hain aur upalabdh saakshyon ki sameekshaa karate hain. Sachchaayi ek paheli hai jisamen tarah-tarah ke poorak tukadon kaa ek sanyojan hai. Aaiye ham tukadon ko sahi sthaan, samaya aur kram men rakhate hain.
Título : Eisaaiyat Ki Praacheen Misri Jaden
EAN : 9780463397619
Editorial : Moustafa Gadalla
El libro electrónico Eisaaiyat Ki Praacheen Misri Jaden está en formato ePub
¿Quieres leer en un eReader de otra marca? Sigue nuestra guía.
Conectarme
Mi cuenta