Catherine Gasquoine Hartley naceu en Antananarivo (Madagascar) arredor do ano 1866, filla duns misioneiros procedentes de Manchester. Dedicouse ao ensino, á escrita e á Historia da Arte, especialmente da arte hispánica. O seu interese por Galicia comezou no ano 1910, cunha viaxe organizada pola Asociación Internacional de Xornalistas británica. Nos seus últimos anos escribiu sobre poligamia, maternidade e educación sexual. Faleceu en 1928, vítima dun accidente de tráfico.
“Soamente aqueles que comprenden que hai que achegarse aos lugares coa mesma disposición coa que se coñece un amigo –con simpatía, amor e sentimentos altruístas–, poden persuadir un país para que lles revele os seus segredos, a súa beleza e verdades.”
Más información
