Mo malobeng, bana ba basimane ba ne ba rutwa ke bo rre ba bona tsa bosimane. Ba ne ba godisetswa mo kitsong ya gore fa ba gola, ba tlile go nna bo rre ba malapa. Ba ne ba rutwa go disa dipodi, fa ba gola ba rutwa go tlhokomela dikgomo. Ba ne ba rutwa go lema, go disa, go aga masaka le magora.
Basetsana ba ne ba rutwa ke bo mme tsa bosetsana. Ba ne ba rutwa goya nokeng, kgonnye, go tlhatswa dijana le diaparo, go apaya, go setla, go phepafatsa, go bidisa le go tlhotlha bojalwa.
Go ne gole dikolo tsa maloba tsa basimane le basetsana. Basimane ba ne ba tsena sekolo sa bogwera, fa basetsana ba ne ba tsena sa bojale. Basetsana ba ne ba rutwa ka tlhokomelo ya lapa le go tlhokomela legae fa bo rre ba tswile.
Ba ne ba rutwa tsa lenyalo, go tlhokomela bana, go belega, le go dirisana le bo mme ba mo motseng. Basimane ba ne ba rutwa tsa bo rre. Legae le lengwe le lengwe le ne le ruta bana maitseo, le go dirisana le batho ba mo motseng.
Conectarme
Mi cuenta